သာမာန်လူတွေထက် ပိုကြီးမားတဲ့ မျက်လုံးမျိုးပိုင်ဆိုင်ထားတဲ့ မိန်းကလေး (ရုပ်သံ)

Instagram မော်ဒယ်အတော်များများဟာ အတော်လေးကိုကျယ်တဲ့ မျက်ဝန်းမျိုးပိုင်ဆိုင်ထားပေမဲ့လည်း Maria Oz အမည်ရှိတဲ့ ယူကရိန်းနိုင်ငံက မိန်းကလေးလိုတော့ ပုံမှန်ထက်ကြီးမားတဲ့ မျက်လုံးမျိုးတွေတော့ရှိကြမှာ မဟုတ်ပါဘူး ။ သူမရဲ့ ကျယ်လွန်းတဲ့မျက်ဝန်းတွေကြောင့် Instagram followers ပေါင်း 117,000 ခန့်ရရှိထားသူဖြစ်ပြီး ၊ လူအချို့ကတော့ သူမရဲ့ဓာတ်ပုံတွေဟာ edit လုပ်ပြီး ပြုပြင်ထားတာတွေသာဖြစ်ကြောင်း မုချယုံကြည်နေကြပါတယ် ။

အကြောင်းကတော့ အချို့ဓာတ်ပုံတွေမှာဆိုရင် သူမရဲ့လည်ပင်းက အတော်လေးရှည်နေပြီး ၊ မျက်လုံးအရောင်တွေကလည်း မတူညီလို့ပါပဲ ။ သို့ပေမဲ့လည်း Maria Oz ကတော့ သူမရဲ့မျက်လုံးတွေဟာ အပြင်ဖက်မှာလည်း တစ်ကယ့်ကို သာမာန်ထက်ပိုကြီးမားကြောင်း အခိုင်အမာပြောဆိုခဲ့ပါတယ် ။ ဒါကြောင့် သူမရဲ့မျက်လုံးတွေက အမှန်တကယ်ကြီးမားတာလားဆိုတာကို စာဖတ်သူတို့သုံးသပ်နိုင်အောင် သူမရဲ့ YouTube video ကိုပါ ဖော်ပြပေးလိုက်ပါတယ်နော် ။