လှပလွန်းတဲ့ မျက်ဝန်းလေးတွေကြောင့် အင်တာနက်ပေါ်မှာ အတော်လေး ရေပန်းစားနေခဲ့တဲ့ ခွေးလေး

Social media ပေါ်မှာ အတော်လေးရေပန်းစားနေခဲ့တဲ့ ဒီခွေးလေးရဲ့ video ကိုတော့ မကြာခဏတွေ့ဖူး ၊ မြင်ဖူးကြမှာပါ ။ ခွေးလေးရဲ့အမည်က Winnie ဖြစ်ပြီး ခွေးမလေးဖြစ်ပါတယ် ။ Winnie ဟာ Instagram မှာတင် followers ပေါင်း 211,000 ခန့်ရှိပြီး ၊ သူ့ရဲ့ လှပလွန်းတဲ့ မျက်ဝန်းလေးတွေကြောင့် အတော်လေးကို နာမည်ကြီးနေတာဖြစ်ပါတယ် ။

Winnie လေးကို 2019 ခုနှစ် အောက်တိုဘာလမှာ မွေးဖွားခဲ့တာဖြစ်ပြီး ၊ မွေးဖွားပြီး 5 ရက်အကြာမှာတော့ သခင်ဖြစ်သူက Instagram မှာ Winnie လေးရဲ့ ချစ်ဖို့ကောင်းလွန်းတဲ့ဓာတ်ပုံကို ဝေမျှခဲ့တာပါ ။ ဒါကြောင့် မွေးဖွားခါစအရွယ်ကတည်းက Winnie လေးဟာ ကျော်ကြားပြီး လူချစ်လူခင်များလွန်းနေတဲ့ခွေးလေး ဖြစ်ခဲ့တာလို့ ပြောရမှာပါပဲ ။