ရိုးသားမှုနှင့်ဂုဏ်သိက္ခာရှိမှုအတွက် တန်ပြန် ဆုကိုလက်ခံရရှိသွားခဲ့တဲ့ အသက် ၇ နှစ်အရွယ် ကလေးမလေးတစ်ဦး

ရိုးသားမှုနှင့်ဂုဏ်သိက္ခာရှိမှုအတွက် တန်ပြန် ဆုကိုလက်ခံရရှိသွားခဲ့တဲ့ အသက် ၇ နှစ်အရွယ် ကလေးမလေးတစ်ဦး

အသက် ၇ နှစ်အရွယ်ရှိပြီဖြစ်တဲ့ ကလေးမလေးတစ်ဦးဟာ မလေးရှားနိုင်ငံ Sunway Pyramid ကုန်တိုက်ရှိ ကြမ်းပြင်ပေါ်မှာ ကျနေတဲ့ ငွေစက္ကူ RM1 ကိုတွေ့ရှိပြီးနောက် ကုန်တိုက်များရှိ Concierge ကောင်တာသို့ ရောက်လာပြီး ထိုပိုက်ဆံကို ၎င်းရဲ့ပိုင်ရှင်ထံအပ်နှံပေးရန် ဝန်ထမ်းများအားအကူအညီတောင်းခဲ့ပါတယ်။

ကုန်တိုက်ကြီးရှိ ဝန်ထမ်းများက သူမရဲ့ကောင်းမွန်တဲ့လုပ်ရပ်ကြောင့် အလွန်စိတ်လှုပ်ရှားသွားခဲ့တာကြောင့် ၎င်းနှလုံးသားနွေးထွေးဖွယ်အဖြစ်အပျက်ကို လူတိုင်းအားဝေမျှရန် သူတို့ရဲ့Facebook စာမျက်နှာပေါ်မှာ “ ညနေ ၁:၃၀ မှာ ၇ နှစ်အရွယ်မိန်းကလေးတစ်ယောက်က ကုန်တိုက်ထဲကကြမ်းပြင်မှာ တွေ့ခဲ့တဲ့ RM1 ကို ပိုင်ရှင်ထံပြန်လွှဲပြောင်းပေးဖို့ ကျွန်တော်တို့ရဲ့ Concierge ကောင်တာသို့ ရောက်လာပြီး သူမအနေဖြင့် RM1 ကိုပိုင်ရှင်ထံ အခိုင်အမာပြန်လည်အပ်နှံပေးရန် တောင်းဆိုခဲ့ပါတယ် ။

သူမရဲ့ ရိုးသားမှုနှင့်သမာဓိရှိမှု ကြောင့် ကျွန်တော် Lion နှင့်အတူ အခြားဝန်ထမ်းတို့ရဲ့နှလုံးသားကို ထိမိသွားစေခဲ့ပါတယ် “ လို့ ရေးတင်ခဲ့ပါတယ်။Lion ရဲ့သူငယ်ချင်းများက မှန်ကန်တဲ့အရာကိုလုပ်ဖို့ဆုံးဖြတ်လိုက်တဲ့ ကလေးမလေးရဲ့ရိုးသားမှုကို ကျေးဇူးတင်ကြောင်းပြသရန် သူမနှင့် သူမရဲ့ညီငယ်လေးတွေအတွက် လေ့ကျင့်စာအုပ်များနှင့် အရောင်စုံလင်တဲ့ဆေးရောင်ခြယ်စာအုပ်များကို ပြန်လည် ဆုချပေးခဲ့ကြပါတယ်။၎င်းဝန်ထမ်းများက “ဒီလိုငယ်ရွယ်တဲ့အရွယ်မှာ မင်းရဲ့ကြင်နာမှုအတွက် အထူးကျေးဇူးတင်ပါတယ်! ” လို့ သူတို့ရဲ့ post အောက်မှာ ထပ်မံထည့်သွင်းရေးသားခဲ့ပါတယ်။

Netizen များစွာကလည်း အဆိုပါကလေးမလေးအား ချီးကျူးဂုဏ်ပြုခဲ့သလို အချို့က ကလေးမလေးရဲ့မိဘများအား သူမအား မှန်ကန်တဲ့လမ်းကို ပြုစုပျိုးထောင်ပေးခြင်းနှင့်ပညာပေးခြင်းအတွက်ပင် အသိအမှတ်ပြုခဲ့ကြပြီး သူတို့လည်းအမှန်ပင် ဂုဏ်ယူသင့်တယ်လို့ မှတ်ချက်ပေးခဲ့ကြပါတယ်။၎င်း post ဟာ 2,100 likes နှင့် 85 shares အထိ ရရှိခဲ့ပါတယ်။