နေမကောင်းဖြစ်ပြီး ကြမ်းပြင်ပေါ်အိပ်နေတဲ့အစ်ကိုဖြစ်သူအတွက် သူ့အိပ်ယာခင်းကို ဒရွတ်တိုက်ဆွဲလာပေးခဲ့တဲ့ ခွေးလေး

နေမကောင်းဖြစ်ပြီး ကြမ်းပြင်ပေါ်အိပ်နေတဲ့အစ်ကိုဖြစ်သူအတွက် သူ့အိပ်ယာခင်းကို ဒရွတ်တိုက်ဆွဲလာပေးခဲ့တဲ့ ခွေးလေး

Spanky လို့ခေါ်တဲ့ခွေးလေး နဲ့ Roman လို့ခေါ်တဲ့ခွေးလေးနှစ်ကောင်ဟာ ညီအစ်ကိုတွေဖြစ်လာတဲ့အခါ Spankyလေးက အစ်ကိုဖြစ်တဲ့ Roman ကိုအမြဲ အရိပ်တကြည်ကြည်ရှိနေခဲ့ပါတယ်။

Roman သွားတဲ့နေရာတိုင်းကို Spanky ကအမြဲတစ်ကောက်ကောက်လိုက်နေတတ်ပါသေးတယ်။” Romanက ကျိန်းသေ Spankyရဲ့အလုံခြုံဆုံးစောင်တစ်ထည်လိုဘဲ”လို့ Jackie Rogers အမည်ရှိတဲ့သခင်ဖြစ်သူက ဆိုပါတယ်။ပြီးခဲ့တဲ့ ၂ ပတ်လောက်က Roman ရဲ့ နားကအနည်းငယ် ရောင်ရမ်းနေပြီး ရောဂါကူးစက်ခံရတာကြောင့် Rogers က တိရိစ္ဆာန်ဆေးကုဆရာဝန်ဆီသို့ ခေါ်သွားခဲ့ပြီ

 

း ခွဲစိတ်ကုသဖို့စီစဉ်ထားပေမဲ့ ခွဲစိတ်ဖို့စောင့်နေတုန်း Romanရဲ့နားကပိုဆိုးလာကာ သူ့အားပိုပိုပြီး မသက်မသာဖြစ်လာစေခဲ့ပါတယ်။ပထမတော့ Spanky က ၎င်းအဖြစ်ကို သတိမထားမိပေမဲ့ Roman ရဲ့နားကပိုဆိုးလာတော့ Spankyလေးက သတိထားမိသွားခဲ့ပြီး Roman အတွက် စိုးရိမ်လာခဲ့ပါတယ်။

“ Romanလေး ခွဲစိတ်ကုသနိုင်ဖို့ ဆေးရုံခေါ်သွားခဲ့ပေမဲ့ COVID ကြောင့် Roman နဲ့အတူ အထဲကိုလိုက် မဝင်နိုင်ခဲ့ဘူး ၊ ကျွန်မ နဲ့ Spankyက ကားထဲမှာထိုင်စောင့်နေခဲ့တာ မိနစ် ၂၀ လောက်ကြာလာတော့ Spanky က Roman ပြန်ရောက်တဲ့အထိ ညည်းနေခဲ့တယ်” လို့ Rogers က ပြောပြခဲ့ပါတယ်။

Rogers က Camera ကို ပြန်စစ်ဆေးကြည့်တော့ ကြမ်းပြင်ပေါ်အိပ်နေတဲ့ အစ်ကိုဖြစ်သူကို ကြည့်ပြီး စိုးရိမ်ပူပန်နေပုံရတဲ့ Spanky ရဲ့ချစ်စရာကောင်းတဲ့အမူအရာကို သတိထားမိသွားခဲ့ပါတယ်။Spanky ဟာ Roman ကိုကြည့်ပြီးနောက် သူ့အိပ်ရာခင်းကို Roman ဆီ ဒရွတ်တိုက်ဆွဲလာပေးခဲ့ပါတယ်။Spanky လေးက အရမ်းကိုစိတ်ပူနေခဲ့ပြီး သူ့အစ်ကိုကိုတတ်နိုင်သလောက်အဆင်ပြေစေချင်ခဲ့တာပါ။