ဆိုင်မှာစားသောက်ပြီး ပိုက်ဆံမလောက်လို့ အဖမ်းခံဖို့ ကိုယ်တိုင် ရဲကိုဖုန်းဆက်ခေါ်ခဲ့တဲ့ အဘိုးအို

လက်ထဲမှာ ယန်း၉၆သာရှိတဲ့အသက် ၆၃နှစ်အရွယ် ဂျပန်အလုပ်လက်မဲ့အမျိုးသားတစ်ဦးဟာ ဂျပန်နိုင်ငံ Fukuokaမြို့ရဲ့စားသောက်ဆိုင်တစ်ခုမှာ စားသောက်ပြီး ငွေရှင်းဖို့မလုံလောက်တော့တာကြောင့် အဖမ်းခံဖို့သူကိုယ်တိုင် ရဲကိုဖုန်းဆက်ခေါ်ခဲ့ပါတယ်။အဆိုပါအလုပ်လက်မဲ့ အဖိုးကြီးဟာ ယန်း ၆၅၀ဖိုး စားသောက်ပြီးနောက် တန်ကြေးငွေမရှင်းဘဲ ဆိုင်ကမန်နေဂျာအား ရဲစခန်းကိုဖုန်းဆက်ခေါ်ဖို့ပြောခဲ့ပြီး ဆိုင်မန်နေဂျာကလည်း ကောင်းကောင်းမွန်မွန်ဘဲဆက်ဆံကာ နောက်မှအကြွေးပြန်ဆပ်ဖို့သာ ပြောခဲ့ပါတယ်။ဆိုင်မန်နေဂျာက ဒေသခံတွေကို ခေါ်ဖို့တွန့်ဆုတ်နေချိန်မှာ အဆိုပါအဖိုးကြီးက ရဲစခန်းကို ဖုန်းဆက်ခေါ်ကာ သူ့လုပ်ခဲ့တဲ့လုပ်ရပ်အကြောင်းအပြည့်အစုံကိုပြောပြရင်း လာရောက်ဖမ်းဆီးပေးဖို့ပြောခဲ့ပါတယ်။

အချုပ်ထဲကို အကြိမ်ပေါင်းမနည်းရောက်ဖူးတဲ့အဆိုပါအဖိုးကြီးဟာ ဗိုက်အရမ်းဆာနေခဲ့ပေမဲ့ အစားအစာတွေအတွက် ငွေအလုံအလောက်မရှိကြောင်း ဒေသခံတွေကို ပြောပြခဲ့ပါသေးတယ်။ဂျပန်နိုင်ငံရဲ့ရာဇဝတ်မှု၂၀ရာခိုင်နှုန်းလောက်ဟာ သက်ကြီးရွယ်အိုတွေကျူးလွန်လေ့ရှိပြီး အဲ့တာတွေကလည်း ဂျပန်အတွက် အဆန်းမဟုတ်တော့ပါဘူး။သက်ကြီးရွယ်အိုတွေကျူးလွန်တဲ့ရာဇဝတ်မှုတွေဟာ များသောအားဖြင့် စားသောက်ဆိုင်ထဲတွေမှာ ဖြစ်တတ်ပြီး ဆိုင်ရှင်တွေကလည်း အဲ့လိုပြဿနာတွေကြောင့် အမြဲအခက်တွေ့ကြရပါတယ်။

တရားရေးဝန်ကြီးဌာနမှ တာဝန်ရှိသူ Shinsuke Nishioka က အဆိုပါအမှုတွေကြောင့် ထောင်ဝန်ထမ်းတွေကို သူနာပြုတွေလို စောင့်ရှောက်ခိုင်းဖို့ ဖိအားပေးနေတယ်လို့ဆိုထားပြီး ဂျပန်သုတေသီ Yuki Shinkoကလည်း သက်ကြီးရွယ်အိုတွေဟာ အလုပ်ရှာလုပ်ဖို့ ခက်ခဲတာကြောင့် ထောင်ထဲကဘဝကိုသာ ပိုလက်တွေ့ကျတယ်လို့သတ်မှတ်ထားကြကြောင်း ပြောပြထားပါတယ်။တကယ်လည်း ဂျပန်လူမျိုးတွေဟာ အသက်ရှည်ကြပြီး သက်ကြီးရွယ်အိုတွေလည်း အတော်လေးများတဲ့ နိုင်ငံပါ။